Mga Pamilyang Ma-pride by:Hazel Mae Fabian

Sa malayong bayan ng San Nuha ay may isang pamilyang naiiba sa lahat ng tao na nakatira doon. Hindi maintindihan ng mga tao kung bakit ganoon kasama ang kanilang pagkatao. Sila ang sinasabing pinakamayaman sa kanilang lugar.

          Si Don Rey ang nagpapatakbo ng hacienda kasama ang asawang si Donya Luz. Nasa ikaapat na taon naman ng hayskul ang kanilang anak na kambal. Ngunit maraming bagay silang hindi napagkakasunduan dahil gusto ni Rhea na nakaaangat siya sa kanyang kambal na si Lhea. Kung gaano sila kayaman ay ganun din sila kasama.

            “Mommy sino na naman ba iyang mga lumipat sa tapat ng bahay natin?” tanong ni Lhea isang umaga.

            “Oh, I don’t know iha, don’t mind them” sagot ni Donya Luz.

            Ang pamilya Ayala ay katulad din ng pamilya nina Don Rey at Donya Luz, sila ang mga lumipat sa harap ng bahay nila.

            “Hon, see that ugly house before, napakaganda na ngayon, hmm.” Saad ni Donya Luz habang nasa hardin sila ng Don.

            “Yeah, mukhang mas maganda at mas malaki iyan kesa sa bahay natin.” Sagot ni Don Rey habang nagbabasa ng diyaryo.

            “Hindi ako papayag, hon let’s renovate our house, let’s make it more elegant, please.” Pakiusap ng Donya.

            Kung gaano kasama at kayaman ang pamilya Vicente (pamilya nina Don Rey at Donya Luz) ay ganoon rin ang pamilya Ayala.

          Isang araw ay hindi inaasahan ng dalawang pamilya na magkita sa isang party. Hindi nila pinansin ang isa’t isa. Hanggang sa magsabay silang umuwi.

            “Tingnan mo nga naman, ang alam ko ang mga sosyal at mayayaman lang ang dumadalo sa isang party” nagtataray na sabi ni Donya Luz.

            “Aba! Nagsalita ang mukhang mayaman, bakit sino ka ba sa akala mo? Hindi naman ikaw ang nagtatrabaho para magkaroon ka ng ganyang bahay” sagot ni Mrs. Ayala.

            “Ma let us go na, we’re just wasting our time to them, ugh! I’m tired” sabat naman ni Rhea at hinila ang kanyang mommy sa loob.

            Hindi tumigil ang dalawang pamilya sa pag-iiringan at maging sa padamihan ng luho sa bahay. Walang araw na hindi nagpaparinigan ang mga ito. Araw-araw na lang nabibingi ang mga nakapaligid sa kanila. Palibhasa kasi’y masyado silang mapride, wala ni isa sa kanila ang gusting magpatalo.

          Pati sa negosyo ay magkakompetensya ang pamilya Vicente at Ayala.

          Nagpatuloy sa bangayan ang mga ito hanggang dumating ang isang pangyayari na hindi nila inaasahan.

          Namatay si Don Rey sa isang krimen at naaksidente naman si Mr. Ayala sa sinasakyang eroplano. Kasabay nito ang pagbagsak ng kompanya ng dalawang pamilya. Sa kadahilanang marami raw ang natatanggap na mga feedbacks tungkol sa awayan nila kaya naman umurong ang kani-kanilang kliyente.

          Hindi parehong makapaniwala sina Donya Luz at Mrs. Ayala sa kahihiyan na sinapit nila.

            “Oh! Ano ngayon ang napala ng dalawang donyang iyan? Wala! Paano naman kasi sa sobrang kayabangan sunod-sunod na ang kanilang malas at karma” sabi ng mga ale na nag-uusap sa tindahan.

            Masarap nga ang mabuhay na mapera ngunit hindi natin alam kung hanggang kalian ang masaganang buhay na ito. Lalo na kung masama pa ang ugali mo.

Mapayapang Anak

(Isang Parabula)

May isang anak na mapayapa at mapagmahal na nakatira sa malaking mansion. Maagang naulila ang anak. Ang anak na ito ang papupuntahan ng pamana ng kanyang ama. Samantala, isang masungit na madrasta ang gustong palayasin ang anak dahil sa pamana ng namayapang asawa. Plano rin ng madrasta na pagbintangang magnanakaw ang anak. Isang gabi,nakita ng anak na nagnanakaw ang kanyang madrasta ng dokumento sa pamana ng kanyang namayapang ama. Tumawag ang anak sa mga pulis upang hulihin ang madrasta. Nung nasa pulisya sila, inamin ang madrasta na siya ang pumatay sa kanyang namayapang asawa. Dahil doon, pinatawad ang anak ang kanyang madrasta.

Aral:

Huwag magbintang ng ibang tao na hindi niya kayang gawin.

Ipinasa ni:

Maru Austin I.Hilario

IV-ZODIAc

Kaibigan;Kamatayan

ni: Joemar Bueno



Sa isang maaliwalas na baryo ay may dalawang magkaibigan na sina Gaake at Shinuke.


Sila ay magkaibigan simula pagkabata. Isang habang patungo sa paaralan ang magkaibigan ay may nakabunggo si Gaake na babae na nagngangalang Nancy. Sa unang pagkikita ni Gaake dito ay halos mahulog na ang kanyang mga mata dahil sa angking ganda ni Nancy ngunit si Nancy naman ay na love at first sight kay Shinuke.

Si Gaake ay agad agad tinanong ang pangalan ng babae at sa kung anong pangkat kabilang ito. Sinabi naman ng babae na siya si Nancy ngunit biglaan ang pagring ng bell kaya din a nalaman ni Gaake kung saang pangkat kabilang si Nancy. Nagsimula na ang kanilang klase ngunit itong si Gaake ay wala sa pokus mag-aral puro Nancy ang nasa-isip. Di alam ni Shinuke ang gagawin kaya bigla niyang piningot sa tenga si Gaake at sinabing magkonsentreyt muna sa pag-aaral. Hindi naking si Gaake hanggang sa natapos na ang kanilang klase.


Pinilit ni Gaake si Shginuke na hanapin si Nancy, ayaw sana ni Shinuke kaso naawa siya kay Gaake. Nahanap ng magkaibigan ang babae st biglang natorpe si Gaake, di makapagsalita basta nakikita niya si Nancy.


Makalipas ang ilang linggo na di makapagsalita i Gaake, ay biglaan ang paglapit ni Nancy kay Shinuke at pinagtapat niya na mahal niya ito. Nabigla si Shinuke gustuhin niya mangtumanggi ay di niya magawa dahil bigla itong hinlikan ni Nanvy.


Napansin ni Gaake na nagkakamabutihan na ang dalawa di niya alam ma magkasintahan na pala sila. Lumipas ang ilang araw ay nalaman din ni Gaake kaya ilang lingggo din siyang hinde pumasok sa skul.


Di alam ni Shinuke kung gaano kaskit ang nagawa niya kay Gaake. Bigla nalang niyang nabalitaan na patay na pala ang kanyang matalik na kaibigan. Naghinagpis si Shinuke at nagawa siya ng malaking gulo pinagbabagsakan niya ang salamin ng bawat sasakyan na kanyang makasalubong.


At nang makarating na siya sa burol ni Gaake ay biglaa siyang nag-agaw eksena pinutok ang hawak na baril sa taas at sinabing "kaibigan patawarin mo ako sa nagawa ko sa iyo, ito ang tanda nang aking pagsisisi" limapit ito sa kabaong at bigla niya pinutok ang baril sa kanyang sarili. Namatay si Shinuke sa tabi nang kabaong ni Gaake at nilibing sila magkatabi din ang puntod.


ARAL:

• Huwag agad sukuan ang mga problemang pinagdadaanan.
• Hindi solusyon ang pagkakamatay sa isang problema.
  

INGGITERA

ni: Sarah Mae Agcaoili

Sa isang nayon may tatlong matatalik na magkaibigan. Sila ay sina Chelsea,Chesca at Cheena. Araw-araw silang magkakasama at halos ayaw na nilang maghiwa-hiwalay. Si Chelsea ang pinakamayaman sa kanilang tatlo. Halos araw-araw ay may bago siyang mga gamit at binibilhan niya sina Chesca at Cheena ng kagaya rin ng sakanya. Dahil ang gusto niya, kung anong meron siya ay dapat meron din ang kanyang mga kaibigan. Si Chelsea bukod sa mayaman siya rin ay mabait at mapagkumbaba. Mahal na mahal niya ang kanyang pamilya lalong lalo na ang kanyang mga kaibigan. Si Chesca naman ay may kaya sa buhay. Siya ay mapagmahal,masipag at maunawain na anak at kaibigan. Lagi niyang sinusuportahan ang kanyang mga kaibigan at siya ang Clown sa kanilang grupo. Si Cheena naman ay mahirap. Siya ay hindi kuntento sa kung anong meron siya. Ang gusto niya ay siya palagi ang sikat.
Habang binibigay ni Chelsea ang mga damit na binili niya pra kina Chesca at Cheena. Hindi alam ni Chelsea na may namumuong galit na pala sa kaniya si Cheena. Dahil sa naiinggit si Cheena sa kanya. Ang gusto ni Cheena ay magkaroon siya ng mas magagandang mga gamit at mas magarbong kasuotan kesa kay Chelsea. Pero wala siyang pambili. Sumagad ang galit niya kay Chelsea. Sa galit niya,siniraan niya si Chelsea sa lahat ng tao. Naging masama ang tingin ng mga tao kay Chelsea. Nag tanong si Chesca sa iba niyang mga kaibigan kung bakit galit sila kay Chelsea. Sinabi nila na inaalipusta daw ni Chelsea si Cheena. Tinanong din ni Chesca kung sino ang nagsabi sa kanila ang mga kasinungalingang iyon. Sinabi nila na si Cheena mismo ang nagkwento sa kanila ang mga ginagawa ni Chelsea sa kaniya. Agad agad na pinuntahan ni Chelsea at Chesca si Cheena. Tinanong ni Chelsea kay Cheena kung bakit niya iyon nagawa. Sinabi ni Cheena ang rason at humingi siya ng tawad kay Chelsea. Dahil sa pinapahalagahan ni Chelsea ang kanilang pagkakaibigan pinatawad niya si Cheena. At sila'y naging magkakaibigan ulit.

Mga Aral:
-Makuntento sa kung anong meron ka.
-Maging tapat ka sa iyong mga kaibigan
-Huwag maging inggitera dahil ito ang sisira sa pagkakaibigan.